Catholic Media Network

Gov. Salceda mawot madara sa Albay an Southeast Asian Games 2019

Plano ni Gobernador Joey Salceda na mag-bid para sa pag-host kan Probinsya kan Albay sa Southeast Asian Games 2019.

Ipinahayag ni Salceda na bago asin moderno an mga facilidades na pinag-gamit sa Palarong Pambansa 2016 kun kaya preparado an Albay para sa nasabing dakulang sporting event siring kan sea games.

Alagad segun ki Salceda na kinakaipuhan pa kan Probinsya nin dagdag na facilidad para sa mga indoor games asin dagdag na air-conditioning units para mas magin marhay an hosting sa nasabing dakulang sporting event.

Dagdag pa kan Gobernador na kayang – kaya kan Albay na pangatamanan an mga delegados.

An nasabing pahayag ni Salceda an sinuportaran man ni Department of Education Secretary Armin Luistro.

Konfiado man si Luistro sa kakayanan kan Albay para sa pag-host nin aktibidad siring kan Sea-games.