Catholic Media Network

Launching kan bagong bakuna kan polio itinalaan sa masunod na semana kan DOH

Nakatalaan ilunsar kan Department of Health Bicol an bagong bakuna para sa helang na Polio.

Ipinahayag ni Dr. Rita Mae Ang, an pamayo kan Family and Health Cluster kan DOH, na an ilulunsar sa maabot na Abril 27 iyo an duwang oral polio vaccine.

Paliwanag ni Ang, na sinalidahan an dating 3 in 1 vaccine sa polio dahilan ta duwang strain naman sana kan nasabing helang an naglalakop sa bilog na kinaban.

Dagdag pa ni Ang,na maski na ngani Polio Free na an Pilipinas puon kan taon 2000 padagos man giraray an saindang pag-monitor asin pagkampanya kontra polio.

Dahilan kaini nangapodan an opisyal sa mga magurang na may mga aki na dai pa nag-aabot sarong taon na pabakunahan an saindang aki kontra polio dahilan ta apuera sa nakakalumpo an nagigin biktima kaini nagigin kausa man ini nin kagadanan.

An helang na Polio an nakakahawa sa paagi man kan stool kan igwa kan nasabing helang.