Catholic Media Network

DZPA CMN News (July 1, 2016)

JULY 1, 2016 – Manarimaan ti inbestigasyon dagiti kameng ti Philippine National Police ti Bangued ti kaudian a shooting incident a napasamak sadiay Farmers Market ti merkado publiko.

Iti interview ti DZPA CMN news kenni Police Sr. Insp. Eddie Bagto, OIC Chief of Police ti Bangued, kuna na a manarimaan ti panangala da ti inpormasyon iti pammaltog. Innaganan na ti biktima a ni Godofredo Marquez y Tupasi, addaan asawa ken residente ti Barangay San Miguel Bucay Abra.

Sigun ti report, daytoy ket nangideliver itay agarup alas cinco ti bigat ti merkado iti rapper ti lumpia idi daytoy ti paltogan ti saan pay a naibaga a suspetsa.

Kuna ni Bagto a daytoy ti pinaltogan dagiti suspetsa kabayatanna ti panangidiskarga ti biktima iti lako na. Iti panangkita ti SOCO ti crime scene, naka-recover da ti 18 a basyo ti kalibre 45 iti aglikmot ti bangkay iti biktima.

JULY 1, 2016 – Inrakurak ni Lt. Col. Tomas Dominic Baluga, dadaulo ti 24th IB ti Philippine Army nga agarup alas 7:30 idi rabii, naiyawat ti uppat a civilian a manganop nga inala dagiti taowan na kabayatan ti operasyon.

Mismo a naited dagitoy kenni Barangay Kagawad Manuel Ngitit ti Barangay Dulao Malibcong diay Bravo COY Barangay Tumalip, Licuan Baay. Innayon ni Baluga a ti talo a homemade a paltog a mausar ti panaganop ti insubli dagiti Army ngem ti kalibre 45 a naala ti adda kadagiti soldado for safe keeping ken maited no adda mairuar a lisinsia.

Maipalagip a dagiti manganop ti napan naganop diay Bantay Mabulan idi Hunio 26 ket da Gregorio Bello alias Patang-I, Marvin Dugayen alias Marvin, Jeffrey Wayagwag alias Gumabay ken Teddy Wayagwag alias Ngitit. Dagitoy ti nasalamaan ti Philippine Army iti nagbeddengan ti Abra ken Kalinga iti naaramid nga operasyon dagiti awtoridad.

JULY 1, 2016 – Kinompirmaran ni DILG Provincial Director Melecent Bamba Carinio nga amin a nagtakem a nabutosan idi kalman ket nakaipasan ti Statement of Contribution and Expenditures wenno SOCE.

Daytoy ket mainaig ti memorandum circular a pinirmaan ni DILG Sec. Mel Senen Sarmiento idi Mayo 12, 2016 a nangibaga a saan a makatakem dagiti elected officials a saan a makaipasa ti SOCE ti deadline a naipawayway idi kalman, June 30.

Kabayatanna, kinompirmaran ni Carinio a nakaipasa ti amin nga elected official ti SOCE isu a pormal nga agtakem dan iti puesto da. Kuna na nga alas 12:01 idi aldaw di kalman, dagitoy ket pormalen nga agtakem.

Iti sabali a bangir, kuna ni Carinio a dagiti ABC president ti agtakem kas opisyales sagudayen iti puesto da idi naglabas, kalaksidan no dagitoy ti nangabak ti naglabas nga eleksion ti sabali a puesto.

JULY 1, 2016 – Nangrugi ita nga aldaw ti National Disaster Consciousness Month a giniddanan ti programa iti Bureau of Fire Protection diay ili a San Quintin.

Iti pannakisarita ti DZPA CMN news kenni SFO2 Nelson Favorito, OIC in Charge ti BFP San Quintin, kinuna na nga agtultuloy ti programa da babaen ti koordinasyon ti DepEd a shake drill ti pagadalan tapno mapabileg ti safety awareness ti amin a pagadalan ken kinasagana. Kuna na a naaramid itay ti shake drill ti pagadalan diay Villa Mercedes San Quintin Elementary School ken Tangadan Elementary School. Kuna na a kadwa da kadagiti paspasamak ti Disaster Risk Reduction ti Local government Units iti ili .

JULY 1, 2016 – Dua laengen nga irrigation system a saan a nalpas idi napan a tawen 2015.

Iti interview ti DZPA CMN news kenni Engr. Ronald Bisquera ti NIA, innaganan na dagiti saan pay a nalpas ket ti Ilang Irrigation System ti Malibcong ken Kawayan-Lubo Irrigation System iti ili a Tubo.

Kagiddan daytoy a banag, kuna ni Bisquera a ti maintenance dagitoy nga irrigation system ket mismo a dagiti organisasyon dagiti mannalon. Numan pay kasta, inlawlawag na a no saan a kabaelan dagiti farmer irrigators ti kadakkel ti didigra no adda kalamidad, mabalin a tumulong ti National Irrigation Administration wenno NIA.

Kabayatanna, kuna ni Bisquera a ti inibbatan a sarita ni presidente Digong Duterte a libre para kadagiti mannalon ti irigasyon iti intero a pagilian, kuna na nga adun ti kastoy a plano ti agturay ngem naisubli ti NIA gapuen ta saan a kabaelan a punduan amin daytoy ti gobierno, isu nga adda latta ti rumbeng a masingir kadagiti mannalon.